20130928

నానీలు

నానీలు 


కుక్కలు నక్కలు
ఒకటే ఊళలు
రాక్షసుడు
మళ్ళీ రాజ్యం లోకి


                                              ఉరిమిన మబ్బుల్లో
                                                నీరింకింది
                                               డిసెంబెర్ ప్రకటన తో
                                                 తెలంగాణా


రక్షించు అక్షముల
బక్షించు పక్షములు
న్యాయమూర్తి కే
గాలం

 ఎర్రలకు చాపలు
మద్యానికి మనుషులు 
ఈనాటికివే 
ఎన్నికలు 

ఆది కవులాంద్రోల్లు
వానికి తాతలు
మన
పోతన్న సోమన్న లు

                                                        రవి గాంచని చోట
                                                        కవి గాంచే
                                                          కాళన్న
                                                         కనిపించకపాయె

రాజ శేఖరుని
మరో ప్రస్థానం
సి. బి . ఐ .
జైల్లో జగన్నాటకం .

                                                         గ్రహనాంద్రుడు
                                                         సూర్యున్ని మింగిండు
                                                          వెలిగే కాలానికి
                                                          కోటి లింగాల.

చీకటి బతుకుల
మిణుగురు పురుగు
సింగరేణి
కార్మికుడు

                                                           మరణ శయ్య పై
                                                           మందమర్రి
                                                           ఉదయించేందుకు సిద్ధంగా
                                                             ఓపెన్ కాస్ట్

గుట్టలు భూమికి
భూమి పాతాళానికి
గ్రానైట్లు
ఓపెన్ కాస్ట్ లు

                                                              నిండా గోదారి
                                                             నోరు తడవని ఎడారి
                                                             ఆదిలాబాదు
                                                             కరీంనగర్

ప్రపంచం ఎరుగని
 ప్రఖ్యాత  వరదే కామరూపిని
బాసర
సరస్వతి

                                                        ఆదిలాబాద్ అడవుల్లో
                                                        ఎదిరించిన
                                                        ఎర్ర మందారం
                                                        కొమురం భీమ్

చేన్లో రాలిన
విప్లవ విత్తనాలు
తెలంగాణా
అమరులు

                                                               పాతాళ భానిసలు
                                                               భళి చక్రవర్తి
                                                               వారసులు
                                                               భూగర్బ కర్షకులు

తల పై గంగ
గొంతు నిండా విషం
నీలకంటుడు కాదు కాదు
నల్గొండా ...


                                                               ఉదయించేసూర్యుని తో
                                                               ఎరుపెక్కిన
                                                               అడవి పువ్వులు
                                                               మా అన్నలు

భూమి బద్దలై
అరుణ లావా
ప్రవహించింది
జగిత్యాలకు ...

                                                              చెట్లన్నీ త్యాగం చేసి
                                                              చదువుకు ప్రాణం పోసి
                                                              కాగజ్ నగర్
                                                              అయ్యింది

క్రూర సాధు జంతు పక్షులన్నీ
కలిసే ఆడుకుంటై
నిర్మల్
కొయ్య బొమ్మలై

                                                            బయ్యారం బావో
                                                            లోటస్  పాండో
                                                             c/o ఇడుపుల పాయ
                                                             ఆరడుగులకే

ఎన్ని వేశాలేసిందో
వేదవ దేహం
విధి లేక
విగత దేహమైంది.

                                                          చేగువేరా
                                                         వారసత్వం
                                                         దండై కదిలింది
                                                         మిలియన్ మార్చ్ కు

కవి కన్నీరు రాలి
కవిత్వమై మొలిచింది
క్రాంతి నీడగా
నిలిచింది.

                                                                 నింగి లో చుక్కలన్నీ
                                                                  రాలి పడ్డై
                                                                  బతుకమ్మల మీద
                                                                 దీపాలయ్యేందుకు.

పల్లెలన్ని
చీకట్లో మునిగాయా ?
వారి మనసులు చూడు
వెలుగు తున్నై  .

                                                                      సూర్యులంతా
                                                                       ఇంటికి చేరారు
                                                                       సాయంత్రానికి
                                                                       నేటి పొలం పనులు చేసి.

గిరిజన
దిగుట్లో దీపం
సూర్యోదయానికి
మరో రూపం

                                                                           ఆటవికులు
                                                                           అభివృద్ధి కి దూరం కాదు
                                                                            సంప్రదాయానికి
                                                                            వెలుగులు.

ఉద్యమ వనిత కు
వందనం
వాడిన కత్తులు
నూరినందుకు

                                                                               అవి పెద్ద పులి
                                                                               అడుగులనుకున్నావా ?
                                                                                కొమురం భీం
                                                                                జాడలు

ఇంద్రవెల్లి లో రక్తం
ఇంకా ఏరులై
పారుతుంది
దళాలను నింపేందుకు

                                                                                  నిశీది కాలపు బాటసారి
                                                                                   కనిపించాలేదా
                                                                                   ఆదిలాబాద్
                                                                                    అందాలూ ?


పులులు సంచరిస్తున్నై
కవ్వాల్ అరణ్యాల్లో కాదు
వికృత
సమాజం లో.






      

cinema

ఒక పుస్తకాన్ని అయిదు వందలు పెట్టి కొని చదవలేని ఒక విద్యార్ధి , పేదోడు పాపం అదే పుస్తకం ఫోటో కాపీ ని వంద రూపాయలకు తీస్కుని చదివి పరీక్ష లలో పాస్ అయ్యాడు ...
ఇప్పుడు ఆ విద్యార్ధి చేసింది తప్పా ? ఒప్పా ?
తప్పు అయితే, శిక్ష ఎవరికీ విదించాలి ? ఆ విద్యార్ధి కా ? లేక ఆ పుస్తక విలువని అయిదు వందలు గ నిర్ణయించిన పబ్లిషర్ కా ?

అలాగే
రెండు వందలు పెట్టి దియేటర్ లో సినిమా చూసే స్తోమత లేని ఒక వ్యక్తి , నలబై రూపాయలు పెట్టి ఒక సి.డి. కొనుక్కుని వచ్చి ఒక కొత్త సినిమా ని తన కుటుంబానికి చూపించి ఆనంద పడ్డాడు .
ఇందులో తప్పేముంది ?
లక్షలు సంపాదించే వాళ్ళు ఎలాగు ఆ పైరసీ సి.డి. లు చూడరు, ఆ చూసేది ఈ సమాజం లో ఎనభై శాతం గా ఉన్న పేద మద్య తరగతి ప్రజలే.

అయితే ఇక్కడొక ప్రశ్న .
లక్షలు లక్షలు సంపాదిస్తూ ఏ.సీ. ల్లో తిరిగే వాళ్ళ కోసమే సినిమా తీస్తున్నారా ?
లేక ప్రతీ పేదవాడిని సంతోష పరచాలనే సదుద్దేశం తో తీస్తున్నారా ???
సినిమా టికెట్ల రెట్లని అమాంతం పెంచేసి పేదవాడికి సినిమాని దూరం చేయడం మొదటి సమస్య అయితే .

రెండవ సమస్య.
బ్లాక్
బ్లాకు లో టికెట్లు విక్రయించడం. ఇదంతా దియేటర్ యజమాని కనుసన్నల్లో జరగడం సిగ్గు చేటు . అందులో ధనార్జనే ద్యేయంగా సినిమాని ఎక్కువ ప్రింట్లతో రిలీజ్ చేసి తక్కువ సమయం లో కోట్లు సంపాదించాలనుకోవడం బ్లాక్ దందా కు వెన్నెముక లా పని చేస్తుంది. వారం తిరక్కుండానే సినిమా ను మార్చేయడం, నడిచే ఆ వారం పది రోజుల్లోనే సినిమా చూసే అవకాశం తక్కువ గా ఉండడం తో బ్లాక్ ఇంకా విజ్రుమ్బిస్తుంది .
అంత ఖర్చు పెట్టి సినిమా చూడడం పేద, మద్య తరగతి వాళ్ళ కి అసంభవం.

సినిమాల్లో నాటకాలు వేసి తమ పని తాము చేస్కోకుండా , చేతి నిండా డబ్బు , సమాజం లో కొంత పేరు రాగానే మదమెక్కి రాజకీయాలు చేస్తూ మీకు మీరే శత్రువు లుగా మారుతున్నారు . ఆ శత్రుత్వమే మీ పైరసీ కి ఉతం ఇస్తుంది. అదే భావన మిమ్మల్ని ఫాల్లో అవుతున్న, మీ అభిమానులు కూడా” పైరసీ వచ్చింది నా హీరో ది కాదు కదా “ అనే కాకుండా “ వాడు నా హీరో కి శత్రువు, అయితే నాకూ శత్రువే” అని పైరసీ సి.డి. లను పంచి పెట్టె పరిస్థితి కి తీస్కు వచ్చింది.

ఒకరికి అవార్డు ఇస్తే ఇంకొకరికి కోపం , ఒకరి సినిమా ప్లాప్ అయితే ఇంకొక హీరో కి పట్టలేని ఆనంద పడడం మీ వంతు.
అంతే కాక అన్ని దియేటర్లను ఆ నలుగురి చేతుల్లో గుత్తాదిపత్యం పెట్టుకుని ఎదుగుతున్న చిన్న సినిమాలని తోక్కేయడం వాస్తవం కాదా ??
పెద్ద పెద్ద హీరో లుగా చలామణి అవుతూ పెద్ద పెద్ద సినిమాలు తీస్తున్నారు కాని, కనీసం ప్రజలకి దగ్గరయ్యే ప్రయత్నం చేస్తున్నారా ?

ఒక ప్రముఖ హీరో ఈ పైరసీ కి అడ్డు కట్ట వేయాలనే ఒక మంచి ఆలోచనతో DTH లో సినిమా రిలీజ్ చేయడానికి ముందుకు వస్తే, ఎన్ని ఎత్తులు వేసి తనని కించపరిచి, తన ప్రయత్నాన్ని విరమించుకునేల చేసింది మీరు కాదా ???

అయినా వంద కోట్లు, వెయ్యి కోట్లు పెట్టి ఎవరు మిమ్మల్ని సినిమాలు తియ్యమంటున్నారు ? మీ వీరాభిమానులు కూడా మీ నుండి కోరుకునేది ఒక మంచి సినిమానే గాని కోటి కోట్ల బడ్జెట్ సినిమాలు కాదు...
వీధి నాటకాలే సాంకేతిక మార్పు వల్ల దియేటర్ల లో ఆడుతున్నాయన్న విషయాన్నీ మర్చిపోవద్దు .

ఇదంతా చెప్పేది ఒక మద్య తరగతి యువకుడు. 

20130924

సినిమా

సినిమా టికెట్ల ధరను  అమాంతం పెంచేసి పేద వాడికి సినిమాను దూరం చేయడం తప్పు కాదు,
ఎక్కువ ప్రింట్ల తో సినిమాను రిలీజ్ చేసి తక్కువ రోజులు ఆడించడం తప్పు కాదు,
చిన్న సినిమాలకు థియేటర్లు ఇవ్వకపోడము తప్పు కాదు,
బ్లాక్ లో విపరీతమైన ధరలకు టికెట్లు విక్రయించడం కూడా తప్పు కాదు గాని
 కానీ పైరసీ చేయడం తప్పు అని ఏడుస్తారెందుకు ?

పై వాటి గురించి ఎవడు కూడా మాట్లాడాడు, కానీ ప్రతీ నా _____ గాడు పైరసీ ని ఆపండి అని కాళ్ళు పట్టుకుంటారు.


రాక్షసుడొస్తున్నాడు

రాక్షసుడొస్తున్నాడు

ఎడతెరిపి లేకుండా  రాష్ట్రం అంత ఒకటే తుమ్ములు,
ఈ చవితికి చందమామ లే కనిపిస్తున్నై
కుక్కలు నక్కలు నడి వీధి లోకి వచ్చి
ఓల పెడుతున్నాయి .

వస్తున్నాడోస్తున్నాడు
రాక్షసుడు మల్లి రాజ్యం లోకి.

రైతులు వేసిన విత్తనాలు నాటు కోక ముందే
చేను లో నాట్యమాడెందుకు,
ఏడేండ్లు తిని , ఏడాదిన్నర ఏకాకి అయి
ఇప్పుడు ఏడిపించేందుకు ,
డబ్బాశ చూపి చాపాలను పట్టేందుకు
తేర చాపలు తెరచి సొర చాపలా వస్తున్నాడు .

కళ్ళెం తెగి మదమెక్కి రధం ఇడిసిన
గుర్రమోలె సకిలిస్తూ...
ఆకలి తో ఉన్న సింహం బోను నుండి
తప్పింపు తెప్పించుకుని ,
శవాలను పీక్కు తినే పీతిరి గద్దోలె
ఊర్ల మీద పడి ఊపిర్లాపేందుకు వస్తున్నాడు.

వరాహ మెత్తిన జగతి ని
మరలా వనికిచ్చేందుకు,
 శెండాలుని కడుపున శెడబుట్టి
శకుని బుద్ది తో రాజ్యమేలేందుకు వస్తున్నాడు .

పదిలెం పదిలెం,
అమాయకపు ప్రజలారా జెర పదిలం,
ఏమాత్రం ఏమరపాటుగున్న 
ఏర్పడకుండా రక్తం పీల్సేత్తడు.

జై తెలంగాణా జై జై తెలంగాణా